Ўзбекистон ғаллакорлари 6 миллион 175 минг тонналик хирмон уйишга эришдилар

12.uz – «Ўзбекистон ғаллакорлари бу йилги об-ҳаво қийинчиликларига қарамай 6 миллион 175 минг тонналик хирмон уйишга эришдилар», - дея хабар беришди республика Қишлоқ ва сув хўжалиги вазирлигида.
Суҳбатдошимизнинг сўзларига кўра, ушбу муваффақият гарови сифатида экин мавсуми тўғри ташкил этилганлиги, аграр соҳага замонавий технологияларнинг жорий этилганлиги, селекция ишининг йўлга қўйилиши, зараркунандаларга қарши кураш бўйича чора-тадбирларнинг ўз вақтида амалга оширилганлигини таъкидлаш лозим. Ғалла сортларини танлашда ҳар бир ҳудуднинг тупроқ, иқлим шароитларини ҳисобга олиниши дон бошоқларининг ҳажмини ошириш, уларнинг сифат ва истеъмолчилик кўрсаткичларини янада кўтариш имконини яратди.
Таъкидлаш жоизки, 2007 йили Ўзбекистонда 6 млн 250 минг тонналик рекорд ҳосил олишга эришилган эди.