Ўзбекистон ҳуқуқни муҳофаза қилиш идоралари 272 кг оғуни ушлаб қолишга муваффақ бўлдилар

12.uz – «Правда Востока» газетаси ўзининг «Белая смерть» за контрольной полосой» («Назорат чизиғи ортидаги «оқ ажал») номли мақоласида Тожикистон томондан ортиб бораётган наркотрафик ҳақида хабар берди.
Ўзбекистон ҳуқуқни муҳофаза қилиш идораларига таяниб айтилишича, гиёҳвандфуруш икки отда 120 кг героини Тожикистон ҳудудидан олиб ўтишга уринади.
«Икки отда юкни Тожикистондан олиб ўтишга уринган жиноятчи яширинишга муваффақ бўлди», деб ёзади газета.
Иккинчи ҳолатда ўзбек-тожик чегарасини ноқонуний равишда кесиб ўтишга уринган Афғонистон фуқароси қўлга олинганда, унинг ёнидан 57 кг опий моддаси ва «ТТ» русумли пистолет чиқади.
Таъкидланишича, Сурхондарё вилояти ҳуқуқни муҳофаза қилиш идоралари томонидан олиб борилган тезкор тадбирлар чоғида бир неча бор «оқ ажал» контрабандаси билан шуғулланувчи тожикистонлик фуқароларнинг фаолиятига чек қўйилган.
«Агар Сурхондарё вилояти ҳудудида 2007 йили қўшни мамлакатдан 276 килограмм героин, 141 килограм опий ва 4,5 килограмм марихуанани ноқонуний тарзда Тожикистондан олибўтмоқчи бўлган 35 фуқаро қўлга олинган бўлса, 2008 йилнинг биринчи ярим йилининг ўзидаёқ 735 килограмм героин, 2,5 килограмм опий, 285 қути анаша, 60 дона психотроп таблеткаларни олиб кириш уринишларининг олди олинди», - хабар беради газета.