«Самарқанд» швед савдо марказига номи қимматга тушадиган кўринади

12.uz – Швециянинг Векшё шаҳрида истиқомат қилувчи ҳамюртимиз «Самарқанд» швед савдо маркази устидан маҳаллий судга арзнома киритди. Ҳамюртимииз швед савдо марказини Ўзбекистоннинг катталиги бўйича иккинчи ўринда турадиган, ЮНЕСКОнинг Халқаро мерос қайдномасига киритилган қадимги шаҳарнинг номига ҳурматсизлик кўрсатишда, савдо марказининг фаолиятида шу номдаги шаҳарни эслатувчи бирон бир белги бўлмай, ўзи туғилиб ўсган шаҳарнинг таҳқирланганлигида айблаган.
Даъвонинг қиймати 1 млн швед крони (166 минг доллар)ни ташкил этади. Мабодо суд ижобий қарор чиқаргудек бўлса, ҳамюртимиз Ушбу маблағни қадимги биноларни реставрация қилиш ва Самарқанддаги «Меҳрибонлик» уйига ўтказишни режалаштириб турибди.
Аммо савдо маркази раҳбарияти пул тўлашдан бўйин товлаб, «Самарқанд» сўзи шведча samsas ва marknad сўзларидан олиниб, тахминий таржимада «умумий бозор» маъносини билдиришини даъво қилмоқда, деб ёзади маҳаллий The Local нашри.